آخر المواضيع

اشعار عن الخيانه 2014 اجمل اشعار عن الخيانه ابو ذيات خيانه دارميات خيانه

اليوم جبتلكم دارميات وابو ذيات خيانه 


صحت ع الجرح هاا يأجرح خأأنؤگ !!
دنگ راسي جرحي وگأأل ميخاالف


شلون وتخون وانته حلفت بأيات
وطلعت مزلاكة مو درج بايات
اذا تريد تروح مو بس باي بايات
واليرجع الف نعله على ابيه


روحي شكد يجت بسمك وحنت
عيوني من القهر ذابت وحنت
جرت على فركاك دمعاتي وحنت
بدال الدمع دم امسح بديه


لغيرك ما نبض كلبي ولا دك
وثكيل وياك ميزاني ولا دك
عليكم ما بعد ما اسال ولا دك
اريد وجوه تتكابل سويه


مريض وصعد مرضاي... على اشفاي
وطب لندن فلا كدر... على اشفاي
حبيبي من تحط شفتك... على اشفاي
اطيب وكل مرض ينزال بيه


شفات جروح كلبي ...من شفاهه
ويرد مجنون كلمن ...من شفاهه
خذة مره بوسه... من شفاهه
ظلت شهر البوسه تبوس بيه



احبك حب فلا ينوصف وصفه
وكلبي عيك مثل الذهب وصفه
عليمن يكتب الدكتور وصفه
خدودك والشفايف صيدليه

هجم حبك على سنيني عزله
ورحوي ابمغزل الحسره غزله
القصايد كله بس الك غزله
وانت الشعر بيك ميه على ميه


شبدر مكروه من عندي وجافيت
وسهمك مادخل قلبي اجة فيت
ابشرنك ذبل عودي وجفيت
شبب فركاك هو العم عليه


كلي شلون اعوفنك واكدر انساك
علمني الطريقه البيها اعوفك
اذا انت صرت الماي البلعيون
كمت حتى من اغمض هم اشوفك


نشدت الناس عنك وانت ماكو
علي الهم يصاحب مثلة ماكو
اريد اسمع علومك شكو ماكو
وانا الممنون اذا تسأل عليه


انه كلبي لغير حبك ابد مختار
وحبك صار على شخصي مثل مختار
انه راح اجدد بحبك ثورة عمرمختار
ومن هسه اكلك فايز انه بيهه..

فصوص العين فص يمي وفص لك
يامن يوسف انت اصلك وفصلك
اخيطك بيدي تدريني وافصلك

واجيبك فيت يالترهم عليه


موهذه البدايه وانت قبله
واليقبلك من وجنتك انت قبله
صرت صومي وصلاتي وانت قبله
وفرض سادس صرت انته عليه


كلبي اشما اطشره يرد صامت
وروحي من حزنهه اعليك صامت
شما اخلي الجهاز بوضع صامت
يصرخ من تدك انت عليه

العشك يكتل ياصاحب وانته داري
هاك الكلب يمك وانته داري
انته اهلي وعمامي وانته داري
وانته امي وابوي وخال اليه


لاذ بكلبي شوكك وانتقل بيه
صعد للراس حبك وانتقل بيه
احب اشلون غيرك وانته قلبي
وانه بكلبي احبن مو بديه


صورتك ملك نسخه من جمالك
يال محمل ذهب لولي من جمالك
اون واصفن واتعب من جمالك
لو فتت بالمنطقه اطكلك تحيه


بمشيتك مااظن يمشي ملازم
وحسنك منكتب عنه بملازم
حبيبي لاتحط احمر ملازم
شفتك والورد صارن سويه


مع السلامه اتمنى ان تنال اعجابكم

0 التعليقات:

اربح عن طريق الانترنت