لو عبوة برئاسة دولتنة چان شصار؟
ما چان انغلق شارعنة شهرين ؟
ما چان اتفتشت كل هاي البيوت ؟
وينشال الشريف وينسجن سنتين
متهمين كلنة بأربعة ارهاب

لان ردنة السلامة واحنة طيبين
واذا عبوة التطگ بسوگنة اليوم
ويضيع الشباب وقرة العين
يطلع علمنصة يگول بسم الله
ونستنكر ما جرى بأرض الرافدين
استنكر سيدي ومشكور علصار
بس حبيت أگلك ما ننتخب !! ، زين ؟



وينك مالكي؟ مو كلت احلها بيوم؟ 
يله اطلع وحلها شبيك شمتاني؟
مذبوح الوطن واطفاله تبجي دموم
وانت وبرلمانك كل شي متعاني
ماشلنه الجوادر من سقط صدام
واذا ينشال جادر ينصب ثانـــــي
قبل ننصب جوادر بيها نحيي افراح
انا وكل اخوتي وولــد جيرانـــي
هسه اتغيرن ويــاك ياابو اســـراء
كمت انصبها وحدي آخذ عزه اخواني